يــا بلدنا ياللي العجب فيك ألوان
فيك غنوا للحمار واتعذب الإنسان
فيك نام الحرامي متهني بكل أمان
وشريفك يا بلد فتحوله ميت ليمان
وعجبي
يا عبد القرش يالي الدنيا عمياك
عمال تكوش وسايبها ليه وخداك
بتجمع فلوس ومدي الخلق قفاك
ورينا يا حلو هتعمل أيه فأخراك
وعجبي
سبحانك ياخالق كل شئ فـ الكون
خلقت البشر علي كل صنف ولون
واحد طغي واختار يكون فرعون
وواحد فى سجن فرعون مسجون
وعجبي
يا صاحبي ياللي الجهل شانك
لـو تقولي أعمل أيه علشانك
أخونك بـرأي زي اللي خانك
ولا أسكت ولا أقطعلك لسانك
وعجبي
صاحب مبدأ وحالف علي مراتي
لا يـوم تعمل كوسة فـ حياتي
وفي يـوم عزمت الحاجة حماتي
طلبت كوسة قلت اعملي يا مراتي
وعجبي
أنا بلـــــدي بغنيلهـــا
وبـــصلي وبــــدعيلها
وأكـــون أيه من غيرهــا
وشـربت أنا مــن نيلهــا
ويا مــحلا جمــال ليلهـا
وبســـــأل فين خيرهـا
وعجبي
يا بلـدنا يالي كتر فيك الزبد
فيك الطاغوت إلــه و اتعبد
مأنش الأوان يــعني يـابلد
تشدي حيلك وتجيبلنا الولــد
ولا انت عاقر لاتلد ؟؟؟؟!!!
وعجبى
ليست هناك تعليقات:
إرسال تعليق