ـــــــــــ
الرسالة الأولى
ـــــــــــ
زوجتي الحبيبة
يا بنت الحلال
يا صابرة وأصيلة
يا أم العيال
في عيني بشوفك
ملكة جمال
يحميك ربي
يا أجمل غزال
شايف في عينك
كلام عن سؤال
جوابه بحبك
يا رزقي الحلال
و ياما في حبك
سهرت الليال
دعائي يا ربى
بلّغني الأمال
وهيئ ظروفي
و انول المنال
وبعد دكله
في عينك أشوف هذا السؤال
!!
بحبك يا غالية
و بكفاية دلال
ـــــــــــ
الرسالة الثانية
ـــــــــــ
يا نصي إللي كنت بدور عليه
و لا تحلا حياتي من غير ما تلاقيه
يا قمري في ليلي
و تضوي أنت فيه
بحبك وحبك
ديني أمرني بيه
كلام راح أقوله
ونفسي تعيه
زواجنا دا خطوة
في طريق نبتديه
وعشان البيت دا يعمر
وتزيد البركة فيه
حتماً ولازم الله نتقيه
يا نصي إللي كنت بدور عليه
ولا تحلا حياتي من غير ما تلاقيه
يا قمري في ليلي
وتضوي أنتِ فيه
بيني وبينك
مفيش لأ وليه
التواضع دا بينا
وكلامنا ننتقيه
والسوء وكلامه
بلاش تنطقيه
و نسد الودان
لكلام ولاد الأيه
و اوعي بكلامهم
بيتنا تخربيه
شيطانهم دا سيدهم
و عليهم دا بيه
و احنا نبينا
الأسوة نقتديه
يا نصي إللي كنت بدور عليه
ولا تحلا حياتي من غير ما تلاقيه
يا قمري في ليلي
وتضوي انت فيه
ليكي عليا
أحطك في عيني
و اصونك و اعاملك
بشرعي و ديني
و في بيتي أشورك
و فكل شؤوني
بس انت كوني
سندي وعوني
الأحد، يونيو 19، 2011
::: زوجـتـى الـحـبـيـبـة :::
الاشتراك في:
تعليقات الرسالة (Atom)
ليست هناك تعليقات:
إرسال تعليق