و الله لتكمل فرحتنا و الدنيا تروق

بمناسبة القمة العربية تانى :)

 

سألوا مواطن عربي ....
أيه رأيك في القمة العربية
رد عليهم ... وقال يا سلام
محلاها القمة العربية
علي مرقه وحبة ملوخية
وتبقي تمااااام لو زادوا فيها
شوية تقلية
بسمله معايا يا فنديه
...........

سألوا مواطن تاني
رد عليه بس ثواني
أصل بعاني
أه يا وداني
قول كدا تاني
رأيك أيه في القمة العربية
أيوا أيوا انت بتسأل
علي منيرة المهدية ؟
دي رقاصة ميه الميه
وأظن أم أبوها كات هنديه
...........

سألوا مواطن تالت
رد عليهم بكلام ثابت
القمة محسومة يا حاضرات
و الأهلي بيجمع في نقاط
وكلامي راح يبقي حقيقة
لمّا نروح احنا الإستاد
استاد أيه يا أستاذ
أحنا بنسأل علي القمة العربية
آآآآه دي أكيد بعد شارع
جامعة الدول العربية
بالمهندسيييييين
...........

سألوا مواطن رابع
أيه رأيك في القمة العربية
رد عليهم
ويش هاذي الجمة العربية
ويش سوا لاجل البشريه
ياخي لا تجلب مواجع منسيه
وساعدني حبيبي أسهر وين الليلة ديه

وانت أخي وانتي اختي أيه رأيكم

في القمة العربية ؟؟؟؟

بمناسبة القمة العربية :)

قمة و قمة وقمة
مرت علينا
ولا قمة فيهم
تنصر أهلينا
ولا قمة فيهم
صانت أراضينا
ولا قمة فيهم جابت خير لينا
يا عم كبّر
بلا قمة بلا نيله

ــــــــــ

ماضي الأمة و شوهتوه
و مستقبلنا و دمرتموه
حتى الحاضر فيه بنتوه
و طريق أمتنا بالأشواك
انتوا مليتوه
شوك و انتوا إللى زرعتوه
و يمين الله إللي حلفتوه
ما راعتوه ... ولا صنتوه
حتي الحلو جوا الحلق مررتوه
حتي الحلم
أصبح جرم
وصاحب الحلم
جوا سجونكم و حبستوه
أو نفيتوه لجل بقائكم فوق الكرسي
إللي سرقتوه
حتي عدو الأمة الآن بتصحبوه
و بتحبوه
وجوا عيونكم ... بتحطوه
وكل طريق لنجاة الأمة
بتسدوه
وألف جدار انتوا عملتوه
وكل مجاهد لجل الأمة ليه تيبعوه

أو تخونوه
وكل مقدس عند الأمه ليه نسيتوه
و بأحكامكم وبأفعالكم دم العربي
رخصتوه ....
وكل فساد انتوا صنعتوه
أبناء الأمة الآن يجنوه
أبناء الأمة الآن يحيوه
و انتوا طاعون الله يمحوه
قولوا آمين
يالي كلامي انتوا سمعتوه
أو قريتوه

المعقول و اللامعقول

تسمع يوم

عن خروج الغـول

وانه ترك

الناس وأكل الفـول

يقولوا

حكيم الدنيا اتجن

وصار مخبول

و دخل

حظيرة وسط عجول

يحكوا

عن شفاء مشلول

و لعب

الكورة و جاب ميت جول

يقولك

واحد شرب المنجا

وصار مسطول

يحكوا

أبو ايد مقطوعة

بيدق طبول

يقولوا

كفيف اتعين فـ الإنتربول

وأجاد فـ عمله وترقى لصول

تشوف بعينك

الهرم المصري

فـ يوم منقول

كل هذا دا شيء معقول

أما يقلك

حاكم عربي حس بغيرة

وصار مسئول

أو أنه

فـ يوم حامل لقب

الكان مسئول

أوعى تصدق

دا غير معقول

هو دا يا سادة

بكل بساطة

المعقول و اللامعقول

هل فى مزايدة

علي هذا القول

 

؟؟؟

؟؟

؟

قال الأقصى

 

 

أنا الأقصى

مسري سيد السادات

قررت أوقف بكائي

والشكوى والآهات

و اعمل حداد

علي مليار م البشر

و البس سواد

وهنوا فهانوا

علي شلة الإلحاد

أنا الأقصى

ابعث رسالة

لأهلي فـ حماس

أقول فيها

سيري يا حماس

وكملي المشوار

سيري فأنت الأمل

في الأمة البوار

سيري فالأقصى

لا يري سواكِ

في أمة المليار

سيري فأنت

من الله اختيار

ـــــــــــــــ


الأقصى نادي

يا مسلمين انقذوني

يا أمة المليار لا تتركوني

اليهود خلاص أعلنوا

ها يهدموني

ـــــــــــــــ

أقصانا

أقصونا

عن نصرتك

أقصانا

منعونا

إننا نحررك

أقصانا

شغلونا

عن حقك ومطلبك

أقصانا

أهانونا

عن تحقيق مأربك

لعنة الله عليهم

وبأيدنا الله يحررك

::: زوجـتـى الـحـبـيـبـة :::

ـــــــــــ
الرسالة الأولى
ـــــــــــ




زوجتي الحبيبة

يا بنت الحلال

يا صابرة وأصيلة

يا أم العيال

في عيني بشوفك

ملكة جمال

يحميك ربي

يا أجمل غزال

شايف في عينك

كلام عن سؤال

جوابه بحبك

يا رزقي الحلال

و ياما في حبك

سهرت الليال

دعائي يا ربى

بلّغني الأمال

وهيئ ظروفي

و انول المنال

وبعد دكله

في عينك أشوف هذا السؤال
!!

بحبك يا غالية

و بكفاية دلال



ـــــــــــ
الرسالة الثانية
ـــــــــــ



يا نصي إللي كنت بدور عليه

و لا تحلا حياتي من غير ما تلاقيه

يا قمري في ليلي

و تضوي أنت فيه

بحبك وحبك

ديني أمرني بيه

كلام راح أقوله

ونفسي تعيه

زواجنا دا خطوة

في طريق نبتديه

وعشان البيت دا يعمر

وتزيد البركة فيه

حتماً ولازم الله نتقيه

يا نصي إللي كنت بدور عليه

ولا تحلا حياتي من غير ما تلاقيه

يا قمري في ليلي

وتضوي أنتِ فيه

بيني وبينك

مفيش لأ وليه

التواضع دا بينا

وكلامنا ننتقيه

والسوء وكلامه

بلاش تنطقيه

و نسد الودان

لكلام ولاد الأيه

و اوعي بكلامهم

بيتنا تخربيه

شيطانهم دا سيدهم

و عليهم دا بيه

و احنا نبينا

الأسوة نقتديه

يا نصي إللي كنت بدور عليه

ولا تحلا حياتي من غير ما تلاقيه

يا قمري في ليلي

وتضوي انت فيه

ليكي عليا

أحطك في عيني

و اصونك و اعاملك

بشرعي و ديني


و في بيتي أشورك

و فكل شؤوني

بس انت كوني

سندي وعوني

الـعـلـم نـور

 

 

العلم نور

والنور في بلادي قليل

بذاكر و تاجر

و احيا بالأمل الجميل

الحلم جوايا

ومشواره عليا طويل

طبيبة منايا أكون

أشفي مريض وعليل

بذاكر و تاجر

واحيا بالأمل الجميل

وعهدك يا أبويا فـ بالي

وفـ دربي ليا دليل

 

ولو زادت الشدة

وطال عليا الليل

بذاكر و تاجر

واحيا بالأمل الجميل

لو كانت فلوسي قليلة

وفـ بلدي شحيح وبخيل

بذاكر و تاجر

وأرفض أكون له ذليل

و ديني إسلامي

يروني مثل النيل

أسعى في تطبيقه

وعنه ما احيد وأميل

و لجل عليائه

و النشر والتوصيل

بذاكر وتاجر

واحيا بالأمل الجميل

مش حزبنا ولا عمره يوم كان مننا

مش حزبنا

مش حزبنا

نحلف يمين بربنا

الحزب ده مش حزبنا

ولا عمره يوم كان مننا

دا لعنة وصابت أهلنا

دا سارق منا حلمنا

يسرق يمص ف دمنا

سرطن طعامنا وأكلنا

مش حزبنا

مش حزبنا

نحلف يمين بربنا

الحزب ده مش حزبنا

ولا عمره يوم كان مننا

لغبط و شوه مصرنا

كتر همومنا و غمنا

كداب يقول من أجلنا

و كل فعله ضدنا

مش حزبنا

مش حزبنا

نحلف يمين بربنا

الحزب ده مش حزبنا

ولا عمره يوم كان مننا

دى شلة فساد متجمعين

شغلتها تنهش لحمنا

دول كدابين و نصابين

يشهد بذلك وضعنا

حزب السخامة و الندامة

و اللمامة ..

 

مش حزبنا

و نحلف يمين بربنا

الحزب ده مش حزبنا

ولا عمره كان يوم مننا