طرطش مدادك يا قلم
اكتب وصـــــح الناس
واياك تكــــــون يا قلم
أبكم بلا احســـــــــــاس
وخليك جمــــــــاد يا قلم
وواعاك تكون كــــ الناس
منظر تقول الـ مـــــــــاس
و جــــوا مفيش أحســــاس
ورشرش معانى الكــــــلام
خلـــــــــــــى النيــــــــــــام
تصحى تبدد ذاك الظـــــلام
و تشفــــــــــــــــــــى الألآم
و خلـــــــــــــــــــى القيــــام
يتعلموا معنى الكــــــــــــلام
و يتلــــــــــــــــــــــوه ..
و يفهمــــــــــــــــــــوه ..
و يحفظــــــــــــــــــوه ..
و يتعلموا ازاى يعملـــوه
ورص الكلمة جنب الكلمة
خلــى الأمـــة كل الأمـــة
تقــــــــوم بالهمــــــــــــة
تزيــــــــــل الغمــــــــــة
تصنع مجد تكون في القمة
واكتب يا قلــــــــــــــــم
اكتب أمل و اكتب عمــــــل
عاوز رجال ما تعرف ملل
تعمل بجـــد تنسى الكـــــلل
واكتب يا قلـــــــــــــــــم
اكتب زرع واكتب حصد
واكتب جد واكتب وجـــــد
واكتب ولد زى الأســـــــد
همــــه يعمر كل البلـــــــد
واكتـــــــب وقــــــــــــول
يا كدابيــن ... يا ظالميـــن
يالى عليها مسيطريــــــــن
ونهب وسرقة فيها نزليـــن
الفجر طالع ولو بعد حيـن
واحنا ميعادنا فيوم الدين
واكتب يا قلـــــــــــــــم
اكتب فن واكتب سيمـــــــــــا
فن وسيما يوصل قيمـــــــــــه
يخلى قلوب الخلق سليمـــــــه
واكتب فكرة تنفع بكــــــــــره
واكتب ذكرى تجيب العبــــره
تخلى الناس ترفع ايدهـــــــــا
تقول الرحمه يا رب القـــــدره
وارسم يا قلـــــــــــــــــم
ارسم صورة لوجــــــه بلادى
فيها الخير ما فيهــــــا أعادى
فيها رجال مـــــــــــــدا أيادى
فيها شباب شغال مش فاضى
فيها البسمة وفيها الراضـى
و فيها القــــــــــــــــــــاضى
يحكم فيها بحكم الهــــــادى
و فيها الكل بيمحو المــاضى
وانثر يا قلم حروفــــــــــــك
وانزع من جوا القلب خوفـك
وجلجل بعلو صوتـــــــــــك
وكلام الحق أوعاه يفوتـــــك
لا تخاف فيوم سجّـــــــــــــان
ولا فيوم سلطــــــــــــــــــــان
ولا رجيم شيطـــــــــــــــــان
انت يا قلم عظيم الشــــــــــان
وانت يا قلم ذكرك الرحمــــن
وباسمك سورة فى القــــرآن
هناك تعليق واحد:
زجل حلو اوى .. مش قرأته هنا .. قرأته من شوية هناك ...
بس القلم بتاعكم عجيب فعلا .. بس مؤثر .. ويارب ان شاء الله يكون ذات يوم له صدى واثر واضح ..
دمتم بخير
إرسال تعليق